印衫出錯點算好?

大家係訂衫印衫既時候唔多唔少都會遇到件衫有出錯既時候，大部份客人係遇到依啲情況都會企左係到唔知點算好，如果拎衫既時間非常貼近活動既日子更加會想改都改唔切。所以今次我地就同大家講一下如果訂左既衫出左問題應該點樣處理，出錯既原因同埋應該點樣避免依個問題啦。

印衫出錯既處理方法

首先我地講下萬一遇到出錯可以點樣處理，如果你地係現場就見到件衫出左問題既話就可以當場話我地知。如果係拎到番屋企先發現到件衫出左問題既話，第一時間要做既係影底出錯左既部份，然後係拎到衫一星期內通知我地既職員，話我地知邊一個地方出錯左，例如係印錯左碼數，唔同名，或者係顏色出左問題等等，我地既職員會係過往既對話當中搵番出錯既責任係屬於邊一邊，如果係責任係屬於我地，我地就會為大家作出後續既處理。

出錯既原因同埋點樣避免

首先我地講一下比較常出現既問題，例如印錯名，衫既顏色出錯，印錯圖案等等。依一類我地都會歸類為人為既錯誤，正所謂聖人都有錯，我地職員一般會同時間處理多於一個既客人，有時候會出現錯漏。所以係最後落單之前都會比大家確認訂單既資料，當中會包括你訂製既產品既效果圖，所需要印既名，號碼，呎吋以及一啲保障番雙方既條款，係依個時候客人就要打醒十二分精神，同我地既職員一齊作最後既核對工作，確保資料冇出錯，即使之前有講過而我地冇顯示係效果圖都好，如果出錯既話一定一定一定要同我地職員提出，，因為我地會以最後確認既效果圖同埋資料作準，如果因為冇對清楚資料而出錯既話我地就唔會負責架喇。

後續處理所需時間

為左減少浪費既，如果只係出左小問題，例如係印漏左名，唔需要整件重新再做既話，我地都會傾向係我地既辦公室或者係運番上工廠到加印，一般需要等五日到一星期左右。如果係需要重新整過成件衫既話，就需要按番做大貨時間黎計算，例如T-shirt需要七到十日，衞衣同風褸需要十到二十日。如果啲衫係急住要用既話可以先拎啲衫去用，等到材料到左或者補做既衫到左再拎番黎換就可以。當然，最好既方法就係對單既時候落捉眼力，減少出錯既機會啦！