一秒決定用邊種印刷技術

大家有冇發現，當你地準備好設計既時候，好多時都唔肯定應該用邊一種印刷技術先可以配合到你地既衣服設計或者班衫，又或者睇完我地既印刷技術頁，都唔太肯定應該用邊一個方法先可行，又或者揀好方法但係職員同你講依個方法唔太適合你既衫呢？

係依篇文章，我地會用圖案係唔係實色依一個籣單既指標黎判斷你地既圖案設計係適合邊一個印刷技術。你可能會問，點樣既圖案先算係實色呢？答案好簡單，就係你既圖案既色係唔係可以確實咁樣數到係幾多隻色，不過要記住，漸變既顏色唔可以當係2個色，因為係漸變既過程入面係有多到你用肉眼數唔到既色係入面。

 實色的印衫技術

1.絲網印刷

絲網印刷既原理就為圖案入面既每一個顏色開一個絲印既網版，然後再掃番相應既絲印印漿係唔同既網版上面，從而印出一個多色既圖案。心水清既讀者應該可以發現跟據以上既講法，如果一啲漸變色既圖案係溝唔到一啲漸變色既印漿出黎印落件衫上面，所以我地先張佢地歸類為實色既印衫技術。

2.刺繡／繡章

無論係普通既刺繡，繡章，貼布繡或者係其他既刺繡技術，如果要用到刺繡既話，我地會首先進跟據圖案設計進行打帶既程序，讀者們都可以張佢理解為好似絲網印既開網版，打完帶之後我地會選番相對既線進行刺繡。當然，係印刷多於一種顏色既圖案係會用到唔同顏色既線，但係現時係市面上係唔會搵到漸變色既線，所以刺繡既話都係適用係實色既圖案上面。

非實色的印衫技術

1.燙畫／柯式燙畫

燙畫可以應用既圖案十分廣泛，我地會首先張需要印刷既圖案打印落去一張燙畫紙，原理同用影印機一樣，打印係燙畫紙上面既圖案係冇顏色上既限制，無論係單一個色或者係無限咁多個色做法都係大同小異，印好圖案係燙畫紙之後我地就會直接張燙畫紙用熱燙機印上係衫到，所以要印漸變色既圖案既話大家都可以考慮用燙畫。

2. 熱昇華

相信大家對於熱昇華依個字一啲都唔陌生，依個技術好多時都會用係運動波衫上面，大家係街見到一啲成件都花碌碌既波衫或者係成件衫都有一個好靚既漸變色底圖都係用熱昇華印刷，熱昇華既原理就係首先張衫既顏色，底圖同埋需要印既圖案都一次過印落去一個媒介上面，然後再張圖案印去布上面，印係上面既圖案摸落去係唔會有特別既手感，但係熱昇華既方法只可以用係聚脂纖維既運動布料上面，想揀熱昇華既朋友仔需要注意一下。

3. 數碼打印

大家可以張數碼打印想像成我地一般既彩色打印機印圖案落紙一樣，當我地係電腦製作好圖案之後，透過衣服印刷專用既數碼機就可以張圖案直接打印係衫上面，用數碼打印印既衫摸上手會比較細緻，同時都唔會影響到衣服既透氣功能。比較常應用係數碼打印既圖案有潑墨，水彩圖案等等色彩繽紛既圖案設計。

4.絲印油墨

絲印油墨係絲印既其中一種，可用係印刷多色或漸變色圖案，但係用既漿同埋實際既做法都同一般既絲網印刷唔同。師傅先按照CMYK同埋白色來開版，然後再按照需要印刷既圖案黎做調整同埋印刷，出到黎既效果會好似數碼打印相約。這技術可以印刷漸變色既圖案同時唔影響衣服既手感同透氣程度，不過，絲印油墨有起訂量，一般最少100件起。