潮製帆布袋

近幾年帆布袋因廉價及可造性高深受廣大手作大師青睞，有大師加持既帆布袋又個性又可愛，引得大家買完一個又一個，袋就買左甘多喇，但有無諗過設計翻一個自己專屬既袋係茫茫人海中展示你獨一無二既品味？

日常中最常見既布袋設計多數係卡通圖案，或者一啲複雜文字設計，呢類型設計都需要少許繪圖基礎先可以做到，無基礎既人就會有的無從入手，下面會介紹幾款合適所有人，又簡單又文青既設計方法，希望可以幫助各位小試牛刀，製作一款屬於自己既布袋喇。

漸變

漸變色，最基礎既一門，做法簡單但效果明顯，因爲做法簡單唔似個別設計例如文字設計，俾人有固定印象而定性呢一個袋只適合襯咩衫，各位可以根據自己喜好顏色，或者配合自己平時穿着衣服顏色搭配出一個最理想既顏色，自己創造自己既穿衣配色風格。

暈染

如果簡單漸變色滿足唔到各位藝術家浪漫既性格，甘不妨手動製作一個， 先定製一個造型獨特帆布袋，然後準備兩種手工扎染顏料（淘寶，文具店有售），決定好顏色分佈，從淺色開始，如上圖，先將淺藍色部分浸泡，待完全上色後取出並風乾，然後浸泡深藍色部分，因爲棉布有吸水既特性，淺色同深色之間會被暈染，另外布袋風乾時唔需要可以壓平，起伏不平既布面可以另到布袋風乾後出現深深淺淺既紋理，簡簡單單既操作就可以製作出一個充滿藝術感既布袋。

圖騰

簡單漸變用多怕厭，都可以製作一啲簡單圖案，重複堆疊就可以製作出一個與衆不同既圖騰，再加上少許顏色配合，一個別出心裁既布袋就面世喇。

幻彩

如果以上提及既設計都太清心寡慾，甘不妨參考一下呢個少女心十足既設計，五彩斑斕既糖果色變換莫測，整體感覺又青春又有活力，現在初春踏青好時機，孭上一個甘又活力既袋，一定為旅途增色不少。