想印衫又平又快？HELIOS教你4個必學印衫小技巧

事前準備次序好緊要

唔知大家有冇睇過我地既班衫設計攻略呢(邊個夠擔死未睇)？當中提過要有設計同件數先可以報倒價。但好多同學都會先設計完至醒起要收集尺碼，好多同學仔就係因為收集尺碼太耐變咗整唔切。其實同學都各有各忙，要一下子收齊尺碼唔係咁昜架，應該先俾咗尺碼表各位同學再開始設計，咁喺你設計好同時都收齊尺碼，自然可以快啲報價同落訂啦！

Click入產品目錄揀選心水款式，碌落少少就會尺碼表架啦！

自助設計

有啲同學仔可能冇印衫或設計軟件，對自己既手繪又冇咩信心。呢個時候就可以用我地網站既自助設計功能啦！有設計既可以放上啲衫度睇下啱唔啱心水，未有設計既可以用入面既SHAPES同TEXT即場整出嚟。咁就唔洗花時間搵邊個軟件啱用，又可以係啲小息食飯時間整好個設計啦！

教學：7步完成衣服設計

了解製作時間

有時候同學既設計會比較獨特，但同時都會貴啲同需要花多啲時間。如果資金同時間都唔太夠既同學就要盡量唔好做複雜啦。以下係一啲需要加製作時間既工藝：

1）刺繡（包括普通刺繡，貼布繡，厚版刺繡，毛巾繡）＋2日

2）不同名印製 ＋1日

3）特別訂做／改Cutting ＋2日

PS. 其實印tee係會快過其他產品例如Hoodie、風褸等

如果無用以上既工藝都重係唔夠時間既，同學可以改用成品衣服訂制（如Gildan、Printstar）。可以一星期到貨，最快四日就有得拎！

了解製作價錢

講完點樣減少製作時間之後就要講下有咩方法可以平啲啦！首先，大家要知道唔同既印法係有唔同收費方式既，但大部分印法都會睇圖案大小。唔少醒目既同學仔都會係左胸印個細細地圖，咁樣唔貴又點襯都得，相反印圖太大收費貴啲之餘都難啲襯衫。我地發現大家都較常用絲印同燙畫，如果印圖顏色好多或者件數唔多，其實做燙畫係會平啲架！因為絲印會睇顏色多少嚟收錢，唔過30件重會收絲網板費！但相反好似社衫呢類件數多既，絲印又會平啲啵！所以同學仔想整平啲都可以係印法方面入手架！

Click入印刷技術可以了解較多唔同既印法喔！