五大優秀班衫文字設計

好多時同學仔訂造班衫既圖案設計都會用到唔同既字體，有logo既話會用額外既字體黎襯托，淨係得字體既話會用其他字體互相組合。有見及此，我地精選左５種類型既文字風格比大家參考，令你地既設計有畫龍點睛既效果，同時圖案唔複雜既話，班衫既價錢都會比較平。

1.正階

如果大家己經揀左一個鐘意既圖案想印落件衫到，但係又覺得只係得個圖案比較單調既話，同學仔可以加入正階字體係你地既班衫圖案設計，例如下圖既設計用左簡單既正體無尾字，配合弧形排位令圖案感覺唔會單調，同時亦都中和左中間既玫瑰複雜構圖既累贅感。

2.撩草

如果大家無一個圖案想加入班衫設計入面既話可以用撩草配合正階字體加埋黎做一個圖案，下面既圖案用既撩草字體屬於比較跳脫既類型，字體有Marker手寫出黎，而且字入面留有Market既筆觸，令到整個設計更有張加同動感。另外整個圖案用左正階字體黎做配合，令到圖案整體更加簡潔同層次分明。

3.復古西部牛仔風

依個風格既字體比較簡單直接，放係圖案設計入面可以令圖案既設計比較乾淨，就以以下圖案既設計設為例子，設計用西部牛仔既字體黎做主體，配合正階字體，一粗一幼咁樣排位可以清晰表逹出圖案既設計，而且圖案設計內都比較容易閱讀。

4.手繪字體

手寫字體既形態同埋間距都比較易掌握，如果用幾種相同風格既字體放埋一齊都唔會覺得混亂，比較容易統一。以下面既圖案為例，用左種唔同既手繪字體，再係三種字下面配一個簡單既幾何圖案，兩者既配合就可以組成一個豐富既圖案。

5.重疉字體

最後一種字體就係用兩種字體重疉埋一齊，分別係正階字體同埋撩草字體既配合，用兩種唔同既字體可以避免表達唔清晰既問題。圖中兩種唔同既字體用唔同既顏色同埋大細黎呈現，可以用細小既空間就表逹足夠既內容。